АҚМОЛА ОБЛЫСЫНЫҢ БІЛІМ БАСҚАРМАСЫ ЖАНЫНДАҒЫ «АГРОБИЗНЕС ЖӘНЕ СЕРВИС КОЛЛЕДЖІ» МКҚК МЕМЛЕКЕТТІК ҚЫЗМЕТТЕР КӨРСЕТУ ТӘРТІБІ ТУРАЛЫ, «Техникалық және кәсіптік білім беру ұйымдарында құжаттарды қабылдау» мемлекеттік қызметі

Ақмола облысы білім басқармасының жанындағы «Агробизнес және сервис колледжі» МКҚК техникалық және кәсіптік білімі бар мамандарды даярлауды жүзеге асырады. Колледж мемлекеттік қызмет көрсету саласындағы мемлекеттік саясатты іске асыруды қамтамасыз етеді, мониторинг жүргізеді және жеке тұлғаларға ақпараттық, консультациялық, әдістемелік қолдау көрсетеді.

Мемлекеттік қызмет көрсетудің негізгі қағидаттары:

- көрсетілетін қызметті алушыларға шығу тегі, әлеуметтік, лауазымдық және мүліктік жағдайы, жынысы, нәсілі, ұлты, тілі, дінге көзқарасы, сенімі, тұрғылықты жері немесе кез келген өзге мән-жайлар бойынша қандай да бір кемсітусіз тең қол жеткізу қағидаты;

- мемлекеттік қызмет көрсету кезінде бюрократия мен әуре сарсаң көріністеріне жол бермеу;

- мемлекеттік қызметтер көрсету саласындағы есептілік және ашықтық;

- мемлекеттік қызметтердің сапасы мен қолжетімділігі;

- мемлекеттік қызмет көрсету процесін үнемі жетілдіру;

- мемлекеттік қызметтер көрсету кезіндегі үнемділік пен тиімділік.

Мемлекеттік қызмет көрсетуге жауапты барлық қызметкерлер мемлекеттік қызмет көрсету бойынша біліктілікті арттыру курстарынан өтті. 

Колледж кеңсе, «Азаматтарға арналған үкімет» мемлекеттік корпорациясы, ҚР БҒМ ММ АЖО, Қазақстан Республикасының электрондық үкіметі Egov, College Smart Nation көрсетілетін қызметті берушінің ақпараттық жүйесі арқылы қызмет көрсетеді.

Басшының оқу, оқу – өндірістік, тәрбие жұмысы жөніндегі орынбасарлары мемлекеттік қызметтер көрсетуге жауапты болып табылады.

Колледж басшысының бұйрығымен «Техникалық және кәсіптік білім беру ұйымдарында құжаттарды қабылдау» мемлекеттік қызметі басшының оқу жұмысы жөніндегі орынбасарына бекітілді.

Техникалық және кәсіптік білім беру ұйымдарына Қазақстан Республикасының азаматтары, бастауыш, негізгі орта, жалпы орта (орта жалпы), техникалық және кәсіптік, орта білімнен кейінгі (бастауыш кәсіптік және орта кәсіптік), жоғары білімі (жоғары кәсіптік) бар шетел азаматтары және азаматтығы жоқ адамдар, сондай-ақ құжаты бар ерекше білім беру қажеттіліктері бар адамдар қабылданады (білім туралы куәлік, аттестат).

Мемлекеттік қызметті алу үшін көрсетілетін қызметті алушы ТжКББ ұйымына не «электрондық үкімет» веб-порталына жүгінеді және «Техникалық және кәсіптік, орта білімнен кейінгі білім беру ұйымдарына құжаттарды қабылдау» мемлекеттік қызмет көрсетуге қойылатын негізгі талаптардың тізбесіне сәйкес құжаттар топтамасын ұсынады.

Түсу үшін құжаттарды кәмелетке толғандар жеке өзі, кәмелетке толмағандар – заңды өкілінің қатысуымен ұсынады.

«Техникалық және кәсіптік, орта білімнен кейінгі білім беру ұйымдарына құжаттарды қабылдау» мемлекеттік көрсетілетін қызмет стандартына сәйкес міндетті құжаттар: өтініш, білім туралы құжат, № 075-У медициналық анықтама, көлемі 3х4 см фотосуреттер.

Колледжде оқуға қабылдау ҚР Білім және ғылым министрінің 2018 жылғы 18 қазандағы № 578 бұйрығымен бекітілген ТжКББ білім беру бағдарламаларын іске асыратын білім беру ұйымдарына оқуға қабылдау қағидаларымен регламенттеледі.

Осы Қағидаларға сәйкес адамдардың колледжде оқуға өтініштерін қабылдау жүзеге асырылады:

1) білікті жұмысшы кадрларды даярлауға 25 маусымнан 25 тамызға дейін.

Талапкерлерге ыңғайлы болу үшін құжаттарды қабылдау автоматтандырылған және College Smart Nation ақпараттық жүйесі арқылы, дәстүрлі форматта колледждер кеңсесі арқылы, ал 1 шілдеден бастап Egov.kz "электрондық үкімет" порталы арқылы жүзеге асырылады.

Оқуға құжаттарды тапсырған кезде талапкерлерге 4 колледж бен мамандықты таңдау мүмкіндігі беріледі.

Ақпараттық материалдар, нұсқаулықтар, инфографика, бейнероликтер білім беру ұйымдарының әлеуметтік желілеріндегі ресми сайттар мен беттерде орналастырылған.

                                                                  Ақмола облысы

білім басқармасының жанындағы

«Агробизнес және сервис колледжі» МКҚК

оқу жұмысы жөніндегі

басшы орынбасары Тур Л.И.