Қазақстан Республикасының Конституциясы Күнімен!

⚜️Құрметті Қазақстандықтар!🇰🇿

Сіздерді шын жүректен Конституция күнімен құттықтаймыз! Бүгін біз еліміздегі маңызды мемлекеттік мереке – Қазақстан Республикасының Конституция күнін атап отырмыз. 1995 жылғы 30 тамыздағы референдумда еліміздің негізгі Заңына қолдау көрсете отырып, отандастарымыз еркін демократиялық мемлекетте өмір сүруге тілек білдірді. Өмір осы шешімнің дұрыстығын көрсетті. Конституция мызғымас мемлекеттігіміздің алтын қазығы, бірлігі мен ынтымағы жарасқан елдігіміздің бұлжымас бағдары, кемел келешегіміздің кепілі.

Әрбір қазақстандық келешекке керуен тартқан мемлекетіміздің тұрақты дамуының кепілі Конституцияның мемлекет пен қоғам үшін ғана емес, өзінің жеке басы мен отбасы үшін де маңыздылығын терең сезінеді. Жылдан жылға біздің басты құндылықтарымыз – Тәуелсіздігіміз, Келісім мен Бірлігіміз нығая берсін. Әр шаңыраққа құт-береке, ырыс пен ынтымақ тілейміз. Ел іргесі аман, келешегіміз кемел болсын!

Колледж әкімшілігі